देल्ली डेयरडेभिल्सले सन्दिप लामिछानेलाई १ नंम्बरको जर्सी दिएको छ। दिल्ली डेयरडेभिल्सका सिइओ हेमन्त दुआ सन्दिपका लागि जर्सी लिएर काठमाडौँ आएका हुन्।
इण्डियन प्रिमियर लिग आइपिएलमा पहिलोटक छनौट भएका सन्दिपले गौतम गाम्भरीको कप्तानीमा खेल्नेछन्। देल्लीको पहिलो खेल आउँदो अप्रिल ८ तारिखमा पञ्जाब विरुद्ध मोहालीमा हुनेछ।
राजधानीको होटल अन्नपूर्णमा आयोजित कार्यक्रममा खेलकुद परिषद्का सदस्य सचिव केशवकुमार बिष्टले सन्दिपसँगै जर्सी सार्वजनिक गरेका हुन्।
सन्दिपले नेपाली राष्ट्रिय टोलीमा २५ नंम्बरको जर्सी लगाउँदै आएका छन्। यसअघि प्रधानमन्त्री केपी शर्मा ओलीले सन्दिपको जर्सी सार्वजनिक गर्ने चर्चा चलेको थियो। तर प्रधानमन्त्रीको सचिवालयले यस्तो कुनै कार्यक्रम नरहेको सेतोपाटीलाई जानकारी दिएको थियो।
