एसीसी यू-१९ एकदिवसीय एसिया कपमा नेपालले अहिले बंगलादेशविरूद्ध खेलिरहेको छ।
युएईको शारजाह मैदानमा टस जितेको बंगलादेशले ब्याटिङ रोजेपछि अहिले नेपालले बलिङ गरिरहेको छ।
नेपाली टिम : देव खनाल (कप्तान), अर्जुन कुमाल, वासिर अहमेद, विवेक यादव, गुल्शन झा, तिलकराज भण्डारी, मोहमद अदिल, अर्जुन साउद (विकेटकिपर), सन्तोष कार्की, विवेक रानामगर र दुर्गेश गुप्ता
एसिया कपको पछिल्लो पाँच खेलमा नेपालले टेष्ट राष्ट्र बंगलादेशलाई हराउन सकेको छैन।
नेपाल र बंगलादेशले एसिया कपमा पहिलोपटक सन् २००८ मा खेलेका थिए। सो प्रतियोगिताको पहिलो खेल वर्षाका कारण रद्द भएको थियो। दोस्रो खेलमा बंगलादेशले नेपाललाई ३ विकेटले हराएको थियो। यस्तै, सन् २०१६ मा भएको तेस्रो भिडन्तमा बंगलादेशले नेपाललाई ६ विकेटले हराएको थियो।
एसिया कपअन्तर्गत बंगलादेशविरुद्ध नेपालले चौथो खेल २०१७ मा खेलेको थियो। मलेसियामा भएको उक्त खेलमा बंगालदेशले अन्तिम बल बाँकी छँदै डिएल नियम अनुसार २ विकेटले नेपाललाई हराएको थियो।
एसिया कपमा नेपालले बंगलादेशविरूद्ध पछिल्लो पटक सन् २०१९ श्रीलंकामा खेलेको थियो। उक्त खेलमा नेपालले दिएको २६१ रनको लक्ष्य बंगलादेशले ४ बल बाँकी छँदै ४ विकेट गुमाएर पूरा गरेको थियो।
