नेपालका लेग स्पिनर सन्दीप लामिछाने सोमबार अस्ट्रेलियाको बिग ब्यास लिगमा विकेटविहीन बनेका छन्।
सोमबार सिड्नी थन्डरविरूद्धको खेलमा होबार्ट हरिकेन्सका बलर सन्दीपले विकेट लिन नसकेका हुन्। उनले ३.२ ओभर बलिङ गर्दा २१ रन खर्चिए। ८ बल डट फ्याँकेका सन्दीपले २ चौका दिए।
खेलमा सन्दीप आबद्ध हरिकेन्स ९ विकेटले पराजित भयो। पहिले ब्याटिङ गरेको हरिकेन्सले ६ विकेटको क्षतिमा १३९ रन मात्र जोड्न सक्यो।
१४० रनको लक्ष्य सिड्नीले १७.२ ओभरमा १ विकेटको क्षतिमा पूरा गर्यो। सिड्नीको जितमा एलेक्स हल्सले ५६ बलमा नटआउट ८० रन जोडे।
जारी लिगमा हरिकेन्स ११ खेलमा २१ अंक जोडेर चौथो स्थानमा छ। सन्दीपले ११ खेल नै खेल्दा १० विकेट लिएका छन्। सन्दीप ११ मध्ये पाँच खेलमा विकेटविहीन बनेका छन्।
