आइपिएल २०२२ को अक्सनको पहिलो दिन नेपालका कप्तान सन्दीप लामिछानेलाई भित्र्याउन कुनै पनि टिमले चासो देखाएनन्।
दुई दिनसम्म चल्ने अक्सनको पहिलो दिन सन्दीपको नाम अन्तिममा आएको थियो। तर उनलाई भित्र्याउन कुनै पनि टिमले इच्छा देखाएनन्।
आज अनसोल्ड भएका खेलाडीलाई भोलि अन्तिम दिन टिमहरूले कोटा पूरा गर्न न्यूनतम मूल्यमा लिन भने सक्नेछन्।
अक्सनका लागि नेपालका १५ खेलाडीले नाम दर्ता गरे पनि अक्सनको अन्तिम सूचीमा सन्दीपको नाम मात्र समावेश भएको थियो।
अक्सनमा सन्दीपको न्यूनतम मूल्य ४० लाख भारू (६४ लाख रूपैयाँ) रहेको छ। सन्दीप एसोसिएट खेलाडीको क्याटागोरीमा समावेश छन्।
अघिल्लो सिजनमा आइपिएलका कुनै टिममा आबद्ध नभएका सन्दीप त्यसअघि तीन सिजन दिल्ली क्यापिटल्समा आबद्ध भएका थिए।
सन्दीपले दिल्लीबाट सुरुवाती दुई सिजनमा ९ खेल खेले पनि तेस्रो सिजनमा कुनै पनि खेलमा मौका पाउन सकेका थिएनन्।
आइपिएलका १० फ्रेन्चाइज टिमहरू चेन्नई सुपरकिंग्स, दिल्ली क्यापिटल्स, कोलकता नाइटराइडर्स, लखनउ सुपर जाइन्ट्स, मुम्बई इन्डियन्स, पन्जाव किंग्स, राजस्थान रोयल्स, रोयल च्यालेन्जर्स बेंग्लोर, सनराइजर्स हैदरावाद र गुजरात टाइटन्स रहेका छन्।
इशान महँगा खेलाडी
भोलिसम्म चल्ने अक्सनको पहिलो दिन इशान किसन सबैभन्दा महँगा खेलाडी बनेका छन्।
उनलाई मुम्बई इन्डियन्सले १५ करोड २५ लाख भारूको बोलि लगाउँदै टिममा भित्र्याएको छ। यस्तै शार्दूल ठाकुर १० करोड ७५ लाख भारूमा दिल्ली क्यापिटल्समा आबद्ध भएका छन्।
श्रेयस अय्यरलाई कोलकता नाइटराइडर्सले १२ करोड २५ लाख भारूमा टिममा भित्र्याएको छ।
यता अमित मिश्रा, मुजिब उर रहमान, उमेश यादव, सकिब अल हसन, स्टेभिन स्मिथ, सुरेश रैना लगायतका चर्चित खेलाडीलाई पहिलो दिन कुनै पनि टिमले भित्र्याउन चासो देखाएनन्।
हेर्नुहोस् अहिलेसम्म कुन टिमले क-कसलाई भित्र्याए :-
शाहरुख खान - ९ करोड भारू– पञ्जाव किंग्स
सर्फराज खान – २० लाख भारू – दिल्ली क्यापिटल्स
अभिषेक शर्मा - ६.५ करोड भारू - सनराइजर्स हैदरावाद
रियान पराग - ३.८ करोड भारू – राजस्थान रोयल्स
राहुल त्रिपाठी – ८.५ करोड भारू - सनराइजर्स हैदरावाद
अस्विन हेब्बर – २० लाख भारू – दिल्ली क्यापिटल्स
डेवाल्ड ब्रेभिस - ३ करोड भारू – मुम्बई इन्डियन्स
अभिनव मनोहर – २.६ करोड भारू - गुजरात टाइटन्स
प्रियम गर्ग – २० लाख भारू – सनराइजर्स हैदरावाद
युजभेन्द्र चाहाल – ६.५ करोड भारू – राजस्थान रोयल्स
राहुल चाहर - ५.२५ करोड भारू – पञ्जाव किंग्स
कुलदिप यादव - २ करोड भारू – दिल्ली क्यापिटल्स
मुस्ताफिजुर रहमान – २ करोड भारू – दिल्ली क्यापिटल्स
शार्दुल ठाकुर – १०.७५ करोड भारू- दिल्ली क्यापिटल्स
भुवनेश्वर कुमार – ४.२ करोड भारू - सनराइजर्स हैदरावाद
मार्क उड – ७.५ करोड भारू – लखनउ सुपर जाइन्ट
जोश हजलउड - ७.७५ करोड भारू – रोयल च्यालेन्जर्स बैंग्लोर
लकी फर्ग्युसन – १० करोड भारू – गुजरात टाइटन्स
प्रसिद्ध कृष्ण – १० करोड भारू – राजस्थान रोयल्स
दीपक चाहर - १४ करोड भारू – चेन्नई सुपरकिंग्स
टी नटराजन – ४ करोड भारू – सनराइजर्स हैदरावाद
निकोलास पूरन – १०.७५ करोड भारू – सनराइजर्स हैदरावाद
दिनेश कार्तिक – ५.५ करोड भारू – रोयल च्यालेन्जर्स बैंग्लोर
जोनी वार्यास्टो- ६.७५ करोड भारू – पञ्जाव किंग्स
इशान किसन – १५.२५ करोड भारू – मुम्बई इन्डियन्स
अम्बाती रायदु- ६.७५ करोड भारू – चेन्नई सुपरकिंग्स
मिचेल मार्स - ६.५ करोड भारू – दिल्ली क्यापिटल्स
क्रुनाल पाण्ड्या - ८.२५ करोड भारू – लखनउ सुपरजाइन्ट
वासिङटन सुन्दर - ८.७५ करोड भारू – सनराइजर्स हैदरावाद
विनन्दु हर्षरंगा – १०.७५ करोड भारू – रोयल च्यालेन्जर्स बैंग्लोर
दीपक हूडा- ५.७५ करोड भारू – लखनउ सुपरजाइन्ट
हर्षल पटेल - १०.७५ करोड भारू – रोयल च्यालेन्जर्स बैंग्लोर
जासन होल्डर- ८.७५ करोड भारू – लखनउ सुपरजाइन्ट
नितिन राना - ८ करोड भारू – कोलकता नाइटराइडर्स
ड्वायन ब्राभो - ४.४ करोड भारू – चेन्नई सुपरकिंग्स
देवदुत पाडिकल - ७.७५ करोड भारू – राजस्थान रोयल्स
जासन रोय - २ करोड भारू – गुजरात टाइटन्स
रोबिन उथप्पा- २ करोड भारू – चेन्नई सुपरकिंग्स
शिमरन हेटमेयर - ८.५ करोड भारू – राजस्थान रोयल्स
मनिष पाण्डे – ४.६ करोड भारू – लखनउ सुपरजाइन्ट
डेभिड वार्नर - ६.२५ करोड भारू – दिल्ली क्यापिटल्स
क्वान्टन डे कक - ६.७५ करोड भारू – लखनउ सुपरजाइन्ट
फाप डु प्लेसिस- ७ करोड भारू – रोयल च्यालेन्जर्स बैंग्लोर
मोहमद सामी - ६.२५ करोड भारू – गुजरात टाइटन्स
श्रेयस अय्यर - १२.२५ करोड भारू – कोलकता नाइटराइडर्स
ट्रेन्ट बोल्ट - ८ करोड भारू – राजस्थान रोयल्यस
कागिसो राबडा - ९.२५ करोड भारू – पञ्जाव किंग्स
पाट कमिङ्ग्स - ७.२५ करोड भारू – कोलकता नाइटराइडर्स
रविचन्द्रन अस्विन - ५ करोड भारू – राजस्थान रोयल्स
शिखर धवन - ८.२५ करोड भारू – पञ्जाव किंग्स
शिभम् मावि - ७.२५ करोड भारू – कोलकता नाइटराइडर्स
राहुल टेवाटिया - ९ करोड भारू – गुजरात टाइटन्स
कमलेश नगरकोटी - १.१ करोड भारू – दिल्ली क्यापिटल्स
हरप्रित ब्रार – ३.८ करोड भारू – पञ्जाव किंग्स
केएस भरत - २ करोड भारू - दिल्ली क्यापिटल्स
शाहबाज अहमेद - २.४ करोड भारू - रोयल च्यालेन्जर्स बैंग्लोर
अनसोल्ड चर्चित खेलाडी
अमित मिश्रा, एडम जाम्पा, इमरान ताहिर, मुजिब उर रहमान, उमेश यादव, मोहमदन नाबी, सकिब अल हसन, स्टेभिन स्मिथ, सुरेश रैना, डेभिड मिल्लर, म्याथ्यु वेड, ऋद्धिमान साह, साम बिलिङ्ग्स
