ओमानमा जारी आईसीसी टी-२० विश्वकप छनोटको ग्लोबल छनोटमा नेपालले टस हारेर पहिले ब्याटिङ थालेको छ।
ओमानको अल अमरेत क्रिकेट मैदानमा नेपालका लागि आशिफ शेख र कुशल भुर्तेलले ओपनिङमा आएका थिए।
यसैबीच नेपालले पहिलो ओभरमै विकेट गुमाएको छ। नेपालका लागि ४ रन बनाएर खेलिरहेका आसिफ शेखलाई बिलाल खानले विकेट लिए।
पहिलो ओभरको अन्तिम बलमा खावार अलीको हातबाट क्याच आउट भए।
यो प्रतियोगिता अघि ओमानसँग खेलिएको चार देशीय सिरिजमा नेपालले ओमानलाई ६ विकेटले हराएको थियो।
सोही प्रदर्शन दोहोर्याउने रणनीतिमा हुने छ । आजको खेलमा शरद भेषावकर, गुल्सन झा र सागर ढकाललाई बाहिर राखिएको छ।
नेपालको प्लेयिङ सेट
सन्दीप लामिछाने (कप्तान), ज्ञानेन्द्र मल्ल, आसिफ शेख, कुशल भुर्तेल, दीपेन्द्रसिंह ऐरी, आरिफ शेख, जितेन्द्र मुखिया, अभिनाश बोहरा, कमलसिंह ऐरी, विवेक यादव र लोकेश बम ।
