ओमानमा जारी टी २० विश्वकप क्रिकेट छनोटको पहिलो खेलमा नेपालले ओमानसँग खराब सुरुआत गरेको छ।
टस हारेर पहिले ब्याटिङ गरिरहेको नेपाललाई सुरूवाती ८ ओभरमै महत्वपूर्ण ४ विकेट गुमाएको छ।
नेपालका आशिफ शेख, कुशल भुर्तेल, ज्ञानेन्द्र मल्ल र दीपेन्द्र सिंह ऐरीलाई गुमाएको हो।
पहिलो ओभरमै ओपनर आशिफ शेखलाई ४ रनमा गुमाएको नेपालका अर्का ओपनर कुशल भुर्तेल ५ रनमा गुमायो। केही सम्हालिएर खेल्दै गरेका ज्ञानेन्द्र मल्लले १५ रन बनाए भने ऐरीले ११ रन जोडे।
अहिले क्रिजमा आरिफ शेख र लोकेश बम छन्।
यो प्रतियोगिता अघि ओमानसँग खेलिएको चार देशीय सिरिजमा नेपालले ओमानलाई ६ विकेटले हराएको थियो।
सोही प्रदर्शन दोहोर्याउने रणनीतिमा हुने छ । आजको खेलमा शरद भेषावकर, गुल्सन झा र सागर ढकाललाई बाहिर राखिएको छ।
नेपालको प्लेयिङ सेट
सन्दीप लामिछाने (कप्तान), ज्ञानेन्द्र मल्ल, आसिफ शेख, कुशल भुर्तेल, दीपेन्द्रसिंह ऐरी, आरिफ शेख, जितेन्द्र मुखिया, अभिनाश बोहरा, कमलसिंह ऐरी, विवेक यादव र लोकेश बम ।
