ओमानमा जारी टी २० विश्वकप क्रिकेट छनोटको पहिलो खेलमा नेपालले ओमानसँग खराब सुरूआत गरेको छ।
टस हारेर पहिले ब्याटिङ गरिरहेको नेपालले ६५ रन बनाउँदा ५ विकेट गुमाइसकेको छ।
नेपालका लागि आशिफ शेख, कुशल भुर्तेल, ज्ञानेन्द्र मल्ल, दीपेन्द्र सिंह ऐरी र लोकेश बम आउट भएका हुन्।
पहिलो ओभरमै ओपनर आशिफ शेखलाई ४ रनमा गुमाएको नेपालका अर्का ओपनर कुशल भुर्तेल ५ रनमा गुमायो। केही सम्हालिएर खेल्दै गरेका ज्ञानेन्द्र मल्लले १५ रन बनाए भने ऐरीले ११ रन जोडे।
यसपछि नेपाली इनिङ्स उकास्दै गरेका लोकेश बम व्यक्तिगत १६ रन बनाएर आउट भए।
अहिले क्रिजमा विवेक यादव र आरिफ शेख छन्।
यो प्रतियोगिता अघि ओमानसँग खेलिएको चार देशीय सिरिजमा नेपालले ओमानलाई ६ विकेटले हराएको थियो।
सोही प्रदर्शन दोहोर्याउने रणनीतिमा हुने छ । आजको खेलमा शरद भेषावकर, गुल्सन झा र सागर ढकाललाई बाहिर राखिएको छ।
नेपालको प्लेयिङ सेट
सन्दीप लामिछाने (कप्तान), ज्ञानेन्द्र मल्ल, आसिफ शेख, कुशल भुर्तेल, दीपेन्द्रसिंह ऐरी, आरिफ शेख, जितेन्द्र मुखिया, अभिनाश बोहरा, कमलसिंह ऐरी, विवेक यादव र लोकेश बम ।
