नेपाली राष्ट्रिय क्रिकेट टिमका ब्याट्सम्यान कुशल भुर्तेल आइसिसी टी-२० ब्याट्सम्यानको वरीयतामा ९ स्थान माथि उक्लिएका छन्। उनी ३९ स्थानमा आइपुगेका छन्।
कुशलले न्युजिल्यान्डका केन विलियमसन, भारतका श्रेयस अय्यर र अस्ट्रेलियाका डेभिड वार्नरलाई पछि पारेका छन्।
विलियमसन ४१, अय्यर ४६ र वार्नर ४७ स्थानमा छन्। शीर्ष स्थानमा पकिस्तानका बाबर अजाम र दोस्रो स्थानमा पाकिस्तानकै मोहमद रिजवान छन्।
यस्तै दीपेन्द्रसिंह ऐरीले पनि तीन स्थान माथि उक्लिएका छन्। ऐरी ५०औं स्थानमा छन्।
बलरको वरीयतामा नेपालका कप्तान सन्दीप लामिछाने १६ स्थान माथि उक्लिएका छन्। सन्दीप ४३ स्थानमा आइपुगेका छन्।
सन्दीपले इंग्ल्यान्डका मार्क उड, अस्ट्रेलियाका पाट कमिङ्ग्स र दक्षिण अफ्रिकाका कागिसो रबाडलाई पछि पारेका छन्।
उड ४५, कमिङ्ग्स ४७ र रबाडा ४८ स्थानमा छन्।
यस्तै अर्का बलर वरीयतामा अभिनास बोहरा १२ स्थान माथि उक्लिदै ८६ स्थानमा छन्।
