नेपाल, मलेसिया र पपुवा न्युगिनी (पिएनजी) बीचको त्रिकोणात्मक टी-२० अन्तर्राष्ट्रिय सिरिज आजदेखि कीर्तिपुरस्थित त्रिवि मैदानमा सुरू भएको छ।
टी-२० सिरिजको पहिलो खेलमा नेपाल र पिएनजीबीच अहिले प्रतिस्पर्धा भइरहेको छ। पिएनजीले टस जितेर फिल्डिङ रोजेपछि नेपालले पहिले ब्याटिङ गरिरहेको हो।
टी-२० मा नेपाल र पिएनजीबीच पछिल्लो पटक सन् २०१५ मा प्रतिस्पर्धा भएको थियो। सो खेलमा पिएनजी ८ विकेटले विजयी भएको थियो।
यसअघि त्रिविमै पिएनजी र नेपालबीच दुई खेलको एकदिवसीय सिरिजमा प्रतिस्पर्धा भएको थियो। दुवै खेल जित्दै पिएनजीले सिरिज कब्जा गरेको थियो।
नेपालको टी-२० टिम
सन्दीप लामिछाने (कप्तान), आरिफ शेख, कुशल भुर्तेल, सोमपाल कामी, दीपेन्द्रसिंह ऐरी, आसिफ शेख, करण केसी, अबिनास बोहरा, लोकेश बम, कुशल मल्ल, रोहित पौडेल
