आइपिएल २०२२ मा राजस्थान रोयल्सका ओपनर जोश बटलरले सिजनको पहिलो शतक प्रहार गरेका छन्।
शनिबार घरेलु टिम मुम्बई इन्डियन्सविरूद्ध टस हारेर पहिले ब्याटिङ गरेको राजस्थानका लागि बटलरले १०० रन जोडे।
मुम्बईका तीव्र गतिका बलर जसप्रित बुमराहको बलमा १८.५ ओभरमा बोल्ड हुनुअघि उनले ६८ बलमा ११ चौका र ५ छक्का प्रहार गरे।
उनको शतकसँगै राजस्थानले ८ विकेटको क्षतिमा १९३ रन जोडेको छ।
राजस्थानका लागि कप्तान सन्जु सामसनले ३० रन र शिमरन हेटमेयरले ३५ रनको योगदान गरे।
बलिङमा मुम्बईका बुहराह र टइमल मिल्सले ३-३ विकेट लिए।
सिजनमा राजस्थानले पहिलो खेलमा जित निकाल्दा मुम्बई पहिलो खेलमा पराजित भएको थियो।
