अस्ट्रेलियाका सर्वकालिन महान् लेगस्पिनर शेन वार्नको सम्मानमा भैरहवामा हुने प्रो-लिग च्याम्पियनसिपमा ८ क्लबबीच प्रतिस्पर्धा हुने भएको छ।
जोरा इन्टरनेसनलको आयोजनामा हुने च्याम्पियनसिपको समूह ‘ए’ मा कार-११, मलेसिया-११, नेपाल पुलिस क्लब र पुश स्पोर्ट्स दिल्ली रहेका छन्।
टी-२० फर्म्याटमा हुने प्रतियोगिताको समूह ‘बी’ मा नेपाल आर्मी, सशस्त्र प्रहरी बलको एपिएफ क्लब, यूपी-११ र ट्यालेन्ट हन्ट सिए ढाका रहेका छन्।
प्रतियोगिताको पहिलो दिन अप्रिल ८ मा कार-११ र मलेसिया-११ तथा नेपाल पुलिस क्लब र पुश स्पोर्ट्स दिल्लीबीच खेल हुनेछ। फाइनल १६ अप्रिलमा हुनेछ। प्रतियोगितामा कूल १७ खेल हुनेछन्।
गत फागुन २० मा निधन भएका शेन वार्नलाई प्रतियोगिता समर्पण गरिने जोरा इन्टरनेसनलका एमडी आमिर अख्तरको भनाइ छ।
जोराले यो प्रतियोगितालाई नेपाल क्रिकेट संघ क्यानले आयोजनाको अनुमति दिएको पनि जनाएको छ।
खेल तालिका
