नेपाल प्रो क्लब च्याम्पियनसिपमा रूपन्देही-११ ले लगातार दोस्रो खेलमा जित हात पारेको छ।
आइतबार भएको समूह 'ए' को खेलमा रूपन्देहीले नेपाल पुलिस क्लबलाई २९ रनले पराजित गर्यो।
सिद्धार्थनगरमा भएको खेलमा पहिले ब्याटिङ गरेको रूपन्देहीले ८ विकेट क्षतिमा ११७ रन जोड्यो।
उसका लागि विशाल विक्रम केसीले २९ रन जोडे। यस्तै विक्रम भुषालले नटआउट १९ रन बटुले
बलिङमा पुलिसका पवन सर्राफले ४ विकेट लिए।
११८ रनको लक्ष्य पछ्याएको पुलिस १८.५ ओभरमा ८८ रनमा अलआउट भयो।
उसका लागि शंकर रानाले २८ रन र रोशन बुडालले २५ रन जोडे।
बलिङमा रूपन्देहीका बासिर अहमेदले ३ विकेट लिए। कृष्ण कार्की, अनिल खरेल र विशाल विक्रम केसीले २-२ विकेट लिए।
