नेपाली राष्ट्रिय क्रिकेट टिमले टेस्ट टिम जिम्बावे ‘ए’ सँग तीन खेलको एकदिवसीय सिरिज र तीन खेलको टी-२० सिरिज खेल्ने पक्का भएको छ।
जिम्बावेको यो टिम राष्ट्रिय टिमपछिको दोस्रो रोजाइको टिम हो। टिमबाट राष्ट्रिय टिमबाट खेलिसकेका खेलाडीले खेल्ने बताइएको छ।
नेपाल क्रिकेट संघ (क्यान) का अनुसार सिरिजका लगि जिम्बावेको टिम वैशाख १५ मा नेपाल आइपुग्नेछ।
सिरिज वैशाख १५ देखि सुरु भएर २६ वैशाखमा सकिनेछ। जसमा पहिले एकदिवसीय सिरिज हुनेछ।
पहिलो एकदिवसीय खेल वैशाख १७ मा हुनेछ। त्यसपछि १९ गते दोस्रो र २१ गते तेस्रो एकदिवसीय खेल हुनेछ।
टी-२० सिरिज वैशाख २३ मा सुरू हुनेछ। टी-२० खेलहरू वैशाख २३, २४ र २६ गते हुनेछन्।
1649067532.jpeg)
