एभरेस्ट प्रिमियर लिग टिम ललितपुर प्याट्रिओट्को आयोजनामा भएको प्याट्रिओट्स कपको उपाधिका ब्लु बर्ड कलेजले जितेको छ।
शनिबार भएको उपाधि भिडन्तमा गोल्डेगेट इन्टरनेसनल कलेजलाई एक रनले पराजित गर्दै ब्लु बर्डले रोमाञ्चक जित हात पार्यो।
पहिले ब्याटिङ गरेको ब्लु बर्डले १८.४ ओभरमा ८० रनमा अलआउट भयो। उसका लागि तिलकराज भण्डारीले २१ रन जोडे भने दुर्गेश क्षेत्रीले १४ रन र विवेक राना मगरले १२ रन जोडे।
बलिङमा गोल्डेनगेटका सूर्य तामाङले ५ विकेट लिए।
८१ रनको लक्ष्य पछ्याएको गोल्डेनगेट ३ बल खेल्न बाँकी छदा ७९ रनमा अलआउट हुनु पुग्यो। उसका सलागि आशुतोष घिरैयाले २७ रन जोडे। बलिङमा ब्लुबर्डका विवेक राना मगर,सुवास खत्री र विपिन आचार्यले २-२ विकेट लिए।
विवेक प्लेयर अफ फाइनल घोषित भए। उपाधिसँगै ब्लु बर्डले १ लाख रुपैयाँ र उपविजेता गोल्डेनगेटले ५० हजार पायो।
प्रतियोगिताका उत्कृष्ट ब्याटर गोल्डेनगेटका त्रृतराज दास, उत्कृष्ट बलर ब्लु बर्डका विपिन आचार्य र प्लेयर अफ दि सिरिज गोल्डेनगेटका रवी साह भए। दास र आचार्यले १५-१५ हजार तथा साहले २५ हजार रूपैयाँ प्राप्त गरे।
