बुधबार दिल्ली क्यापिटल्सले आइपिएलमा उत्कृष्ट जित निकाल्यो। उसले पञ्जाब किंग्सलाई कुनै पनि बेला खेलमा फर्कने अवसर दिएन।
पहिलो टसको नतिजा दिल्लीको पक्षमा आयो। कप्तान ऋषभ पन्तले पञ्जाबका कप्तान मयंक अग्रवाललाई पहिले ब्याटिङको निम्तो दिए। त्यसपछि दिल्लीका बलरहरू पञ्जाबका ब्याट्सम्यानमाथि यति धेरै हावी भए कि पुरै टोली ११५ रनमै अलआउट भयो।
दिल्लीका स्पिनरहरूसामू कप्तान अग्रवाल (२४ रन) र विकेटकिपर जितेश शर्मा (३२ रन) ले मात्र केही रन जोड्न सके।
आठ ब्याट्सम्यानले दोहोरो अंक छुन सकेनन्।
बलरपछि ब्याट्सम्यानको पालो आयो र यहाँ पनि दिल्लीका ओपनर डेभिड वार्नर र पृथ्वी शाले चौका र छक्काको यस्तो वर्षा गरे।
एक समयमा स्कोर चार ओभरमा ५९ र पाँच ओभरमा ७५ रन पुगेको थियो। १५ को औसतमा रन बनिरहेको थियो। दिल्लीले खेल ९.३ ओभर (५७ बल) बाँकी रहँदै दिल्लीले ९ विकेटले जित्यो।
पञ्जाबले राम्रो सुरुवात गरेको थियो। ३३ रनसम्म कुनै विकेट गएको थिएन। तर शिखर धवन ९ रनमा चौथो ओभरमा आउट भएपछि विकेट लगातार गयो। ओपनरहरु सुरूमै आउट भएपछि मध्यक्रमका ब्याट्सम्यानहरु पनि निराश बने।
प्रतियोगितामा हालसम्म राम्रो इनिङ्स खेल्दै आएका लियाम लिभिङ्स्टनले पनि (अघिल्लो खेलमा ६० रन बनाएका) दुई रन मात्र जोड्न सके। अर्कोतर्फ जोनी बेयरस्टो फेरि एकपटक फ्लप साबित भए।
पञ्जाबले यो सिजनको सबैभन्दा कम स्कोर बनायो। पूरै टोली ११५ रनमा आउट हुँदा दिल्लीका बलरको बलियो प्रदर्शन र पञ्जाबका ब्याट्सम्यानको असफलता थियो।
उत्कृष्ट बलिङ
बुधबार ऋषभ पन्तका लागि सुनौलो दिन थियो। उनका हरेक निर्णय दिल्लीको पक्षमा आयो।
ललित यादवले विकेट लिन सफल भए। उनले आफ्नो बलमा रन पनि बनाउन दिएनन्।
खलील अहमदले पनि त्यस्तै प्रदर्शन गरे।
जब अक्षर पटेललाई बल दिइयो, उनले पनि उत्कृष्ट बलिङ गरे। उनको बलमा रन बनाउन गाह्रो भयो। चार ओभरमा दुई विकेट लिए र १० रन मात्र दिए।
एकातर्फ अक्षर पटेल र अर्कोतर्फ कुलदीप यादवले पञ्जाबका ब्याट्सम्यानलाई समस्यामा पारे।
तीन बलमा दुई विकेट लिएका कुलदीप खेलको प्लेयर अफ द म्याच बने, त्यसपछि उनले यो अवार्ड अक्षरसँग बाँड्ने बताए।
कुलदीपले जारी आइपिएलमा कुल १३ विकेट लिएका छन् र उनी पर्पल क्यापको दौडमा युजवेन्द्र चहलपछि दोस्रो स्थानमा पुगेका छन्। चहलले १७ विकेट लिएका छन्।
वार्नरको प्रदर्शन
खेलपछि दिल्लीले वार्नरको फोटो राख्दै ट्विट गर्यो, 'यह वार्नर हैं, झुकेगा नहीं'। फोटोमा वार्नर दक्षिण भारतीय चलचित्र 'पुष्पा' का नायकको स्टायलमा देखिएका छन्।
अस्ट्रेलियाका डेभिड वार्नर आइपिएलमा सबैभन्दा सफल विदेशी क्रिकेटर हुन्। यो सिजनमा उनले फेरि एकपटक उत्कृष्ट ब्याटिङ गरिरहेका छन्। बुधबार पनि यस्तै भएको छ।
दिल्ली ब्याटिङमा निस्कँदा एक छेउबाट वार्नर र अर्को छेउबाट पृथ्वी शाले उत्कृष्ट खेले।
जब यो खेल लो स्कोरिङ भयो, तब कमेन्ट्री बक्सबाट दिल्ली पक्कै पनि खेल सकेसम्म चाँडो समाप्त गर्न चाहन्छ भन्ने अनुमान लगाइएको थियो। किनभने दिल्ली आफ्नो नेट रनरेट सुधार गर्न चाहन्थ्यो, र त्यस्तै भयो।
ओपनर पृथ्वी शा र डेभिड वार्नरले पहिलो विकेटका लागि ८१ रन जोडे र त्यो पनि ६ ओभरमै।
वार्नरले ३० बलमा अविजित ६० रन बनाए।
वार्नर रोहित शर्माको इनिङ्समा एउटै टोलीविरुद्ध सर्वाधिक व्यक्तिगत रन बनाउने कीर्तिमानको नजिक पुगेका छन्।
वार्नरले आइपिएलमा पञ्जाबविरुद्ध १ हजार ५ रन बनाएका छन्। रोहितले केकेआर विरुद्ध १०१८ रन बनाएर शीर्ष स्थानमा छन्।
जितपछि दिल्लीको नेट रन रेट यस आइपिएलमा कुनै पनि टोलीको भन्दा धेरै राम्रो भएको छ। आगामी दिनमा नेट रन रेटले अर्को राउन्डमा पुर्याउन ठूलो भूमिका खेल्न सक्छ, त्यसैले यो दिल्लीका लागि सकारात्मक संकेत हो।
कोरोनाको मारमा दिल्ली
बुधबार दिल्लीका अर्का खेलाडी टिम सेफर्टमा पनि कोरोना पोजेटिभ भेटिएपछि यो खेल आयोजना हुने कि नहुनेमा शंका थियो।
दिल्ली र पञ्जाबबीचको यो खेल यसअघि पुनेमा हुने भएको थियो। तर दिल्लीका धेरै सदस्यमा कोभिड पोजिटिभ भेटिएपछि मंगलबार बसेको आइपिएलको बैठकले मुम्बईमा आयोजना गर्ने निर्णय गरेको थियो।
आइपिएलले पुनेको एमसीए स्टेडियमको मुम्बईको ब्रेबोर्न स्टेडियममा सार्ने विज्ञप्तिमार्फत जानकारी दिएको थियो ।
दिल्लीका प्याट्रिक फरहत (फिजियोथेरापिस्ट, अप्रिल १५ मा कोभिड पोजेटिभ), चेतन कुमार (थेरापिस्ट, अप्रिल १६ मा कोभिड पोजेटिभ), मिचेल मार्श (१८ अप्रिलमा कोभिड पोजेटिभ) ), अभिजित साल्वी (टिम डाक्टर, १८ अप्रिलमा कोभिड पोजेटिभ) र आकाश माने (सामाजिक सञ्जाल सामग्री टोली सदस्य, १८ अप्रिलमा कोभिड पोजेटिभ) लाई कोरोना भइसकेको छ।
