दिल्ली क्यापिटल्सले इन्डियन प्रिमियर लिग (आइपिएल) २०२२ मा कोलकाता नाइट राइडर्समाथि ४ विकेट जित निकालेको छ।
यो सँगै जारी आइपिएलमा दिल्लीले ८ खेलबाट चौथो जितका साथ ८ अंक जोडेर तालिकामा छैठौं स्थानमा उक्लिएको छ। यता पराजित कोलकाताको जारी आइपिएलमा लगातार पाँच हारसँगै प्लेअफ सम्भावना कठिन बनेको छ।
जितको लागि १ सय ४७ रनको विजयी लक्ष्य पछ्याएको दिल्लीले १९ ओभरमा ६ विकेट गुमाउँदै पूरा गर्यो।
दिल्लीका लागि ओपनर डेविड वार्नरले सर्वाधिक ४२ रन बनाए। यस्तै रोभम्यान पावेलले ३३ रन बनाउँदा अक्षर पटेलले २४ र ललित यादवले २२ रन बनाए।
ओपनर पृथ्वी शा डक आउट भए। मिचेल मार्शले १३ रन बनाउँदा विकेटकिपर कप्तान ऋषभ पन्त २ रन आउट भए।
कोलकाताका उमेश यादवले सर्वाधिक ३ विकेट लिए। सुनिल नारायण र हर्षित रानाले १–१ विकेट लिए ।
त्यसअघि वानखडे स्टेडियम मुम्बईमा टस हारेर पहिला ब्याटिङको निम्तो पाएको कोलकाताले निर्धारित २० ओभरमा ९ विकेट गुमाउँदै १ सय ४६ रन बनाएको थियो। कोलकाताका नितिश राणाले सर्वाधिका ५७ रन बनाए। कप्तान श्रेयस ऐरले ४२ रन बनाउँदा रिंकु सिंहले २३ रन जोडे।
अन्य ब्याटरले दोहोरो अंकमा रन बनाउन सकेनन्। कोकाताका ५ जना ब्याटर शून्यमा आउट भए।
दिल्लीको लागि चेतन कुलदीप यादवले सर्वाधिक ४ विकेट लिए। मुस्ताफिजुर रहमानले ३ विकेट लिँदा चेतन सकारिया र अक्षर पटेलले १-१ विकेट हात पारे।
| अंक तालिका |
| क्र.स. | टिम | खेल | जित | हार | अंक | रनरेट |
| १ | गुजरात टाइटन्स | ८ | ७ | १ | १४ | ०.३७१ |
| २ | राजस्थान रोयल्स | ८ | ६ | २ | १२ | ०.५६१ |
| ३ | सनराइज हैदारावाद | ८ | ५ | ३ | १० | ०.६ |
| ४ | लखनऊ सुपर जाइन्ट्स | ८ | ५ | ३ | १० | ०.३३४ |
| ५ | रोयल च्यालेन्जर्स बैंलोर | ९ | ५ | ४ | १० | -०.५७२ |
| ६ | दिल्ली क्यापिटल्स | ८ | ४ | ४ | ८ | ०.६९८ |
| ७ | पञ्जाब किङ्स | ८ | ४ | ४ | ८ | -०.४१९ |
| ८ | कोलकोता नाइट राइडर्स | ९ | ३ | ६ | ६ | -०.००६ |
| ९ | चेन्नई सुपर किङ्स | ८ | २ | ६ | ४ | -०.५३८ |
| १० | मुम्बई इन्डियन्स | ८ | ० | ८ | ० | -१. |
