टेस्ट टिम जिम्बावे ‘ए’ र नेपालबीच हुने तय एकदिवसीय र टी-२० सिरिजको खेल तालिका परिमार्जन गरिएको छ।
शनिबारका लागि त्रिवि मैदान कीर्तिपुरमा तय भएको पहिलो एकदिवसीय खेल वर्षाका कारण स्थगित भएको थियो।
अब पहिले टी-२० सिरिज हुने भएको हो। पहिलो टी-२० वैशाख १८ मा, दोस्रो टी-२० वैशाख १९ मा र तेस्रो टी-२० वैशाख २१ मा हुनेछ।
एकदिवसीय खेलहरू वैशाख २३, २४ र २६ गते हुनेछन्।
नेपालले आइसिसी क्रिकेट विश्वकप लिग-२ खेल्न अमेरिका जानुअघि जिम्बावेको ए टिमसँग तयारीस्वरुप खेल्न लागेको हो।
