आइपिएल २०२२ मा नवप्रवेशी टिम गुजरात टाइटन्सले उत्कृष्ट प्रदर्शन गर्ने क्रम जारी छ।
शनिबार रोयल च्यालेन्जर्स बैंग्लोरलाई ६ विकेटले पराजित गर्दै गुजरात प्लेअफ नजिक पुगेको छ।
१६ अंक जोडेर अंक तालिकाको शीर्ष स्थानमा रहेको गुजरातले ९ मध्ये ८ खेलमा जित हात पारिसकेको छ।
आइपिएलमा कुनै पनि टिमले सुरूवाती ९ मध्ये ८ खेल जितेको यो पहिलो पटक हो।
शनिबार पहिले ब्याटिङ गरेको बैंग्लोरले ६ विकेटको क्षतिमा १७० रन जोड्यो।
उसका लागि विराट कोहलीले ५८ रन र राजत पतिदारले ५२ रन जोडे। बलिङमा गुजरातका प्रदीप सङवानले २ विकेट लिए।
१७१ रनको लक्ष्य गुजरातले ३ बल खेल्न बाँकी छदा ४ विकेटको क्षतिमा पार गर्यो।
गुजरातका लागि डेभिड मिलरले नटआउट ३९ रन र राहुल टेवाटियाले नटआउट ४३ रन जोडे।
