नेपाल भ्रमण रहेको जिम्बावे 'ए' र नेपाली राष्ट्रिय क्रिकेट टिमबीच आज दोस्रो टी-२० खेल हुँदैछ। कीर्तिपुरस्थित त्रिवि क्रिकेट मैदानमा हुने खेल दिउँस १ बजे सुरू हुने खेलमा नेपालले पहिले बलिङ गर्ने भएको छ।
नेपालले टस जितेर पहिले बलिङ रोजेको हो।
यसअघि आइतबार भएको पहिलो टी-२० खेलमा जिम्बावे विजयी भएको थियो। जिम्बावेले नेपालमाथि ६ विकेटको सहज जित हात पारेको थियो।
सिरिजको अन्तिम खेल पर्सी बुधाबार हुनेछ।
त्यसअघि एकदिवसीय सिरिज हुनेछ। एकदिवसीय खेलहरू वैशाख २३, २४ र २६ गते हुनेछन्।
नेपालले आइसिसी क्रिकेट विश्वकप लिग-२ खेल्न अमेरिका जानुअघि जिम्बावेको ए टिमसँग तयारीस्वरुप खेल्न लागेको हो।
