धनगढीमा क्लब स्तरीय टी २० क्रिकेट प्रतियोगिता धनगढी सुपर लिग हुने भएको छ।
लिटिल फ्लावर स्पोर्ट्स एण्ड इभेन्ट्सको आयोजनामा आगामी जेठ ५ देखि १३ गतेसम्म धनगढीको सुदूरपश्चिम प्रदेश प्रहरीको मैदानमा प्रतियोगिता संचालन हुने भएको हो।
उक्त प्रतियोगितामा देशका विभिन्न ६ बटा क्लवहरु सहभागी हुनेछन्।
जसमा बुङ्गल क्रिकेट क्लब बझाङ, देउखुरी वारियर्स दाङ, धनगढी क्रिकेट एकेडेमी धनगढी, महेन्द्रनगर क्रिकेट एकेडेमी महेन्द्रनगर, लिटल फ्लावर क्रिकेट क्लब धनगढी र कैलाली जिल्ला क्रिकेट क्लब कैलालीको सहभागी हुने आयोजकले जनाएको छ।
प्रतियोगितामा राष्ट्रिय स्तरमा खेलेका खेलाडी खेल खेल्नेछन्।
प्रतियोगितामा विजेताले २ लाख र उपविजेताले १ लाख पाउनेछन्। प्रतियोगितामा सर्वोत्कृष्ट खेलाडीले नगद १५ हजार, उत्कृष्ट बलर, ब्याट्सम्यान तथा उदयमान खेलाडीले ७ हजार पाँच सय नगद प्रदान गरिनेछ।
लिटिल फ्लावर स्पोट्स इभेन्टले धनगढीमा विद्यालयस्तरको राष्ट्रिय क्रिकेट प्रतियोगिता संचालन गर्दै आएको छ। प्रतियोगितमा खेलहरु गर्मी मौसम भएकोले विहान र बेलुकाको समयमा हुनेछन्।
