नेपालले एसिसी महिला टी २० च्याम्पियनसिपको फाइनल प्रवेशका लागि युएईविरुद्ध टस जितेर फिल्डिङ रोजेको छ।
वर्षाका कारण खेल आधा घण्टा ढिलो सुरू भएको खेलमा नेपालले राम्रो प्रदर्शन गरिरहेको छ।
यो समाचार तयार पार्दासम्म १५ ओभरको समाप्तीमा युएईले ५ विकेट गुमाएर ५६ रन बनाएर खेलिरहेको छ।
नेपालका लागि आश्मिना कर्माचार्य र इन्दु बर्माले २-२ र सीता रानामगरले १ विकेट लिइन्।
यदि आज नेपालले युएईलाई हराए एसिया कप खेल्न पाउनेछ। प्रतियोगिताको विजेता र उपविजेता एसिया कपका लागि छनोट हुनेछन्।
रुविना क्षेत्रीको कप्तानीमा रहेको नेपालले समूह बी मा चार खेलबाट ६ अंक जोड्दै उपविजेताको रूपमा सेमिफाइनलमा स्थान बनाएको थियो।
यता जारी प्रतियोगितामा राम्रो लयमा देखिएको युएई अपराजित रहँदै सेमिफाइनलमा प्रवेश गरेको हो।
यसअघि नेपालले समूह चरणमा भुटान, कुवेत र बहराइनलाई हराउँदा हङकङसँग पराजित भएको थियो।
यस्तै आजै हुने दोस्रो सेमिफाइनलमा हङकङ र मलेसिया फाइनल प्रवेशका लागि भिड्नेछन्।
च्याम्पियनसिपको फाइनल शनिबार हुनेछ ।
