घरेलु टोली नेदरल्याण्डलाई १६ रनले हराउँदै पाकिस्तानले तीन खेलको एक दिवसीय सिरिजमा अग्रता लिएको छ।
रोटरडममा पाकिस्तानले दिएको ३ सय १५ रनको लक्ष्य पछ्याएको नेदरल्याण्ड्सले ५० ओभरमा ८ विकेट गुमाएर २ सय ९८ रन मात्रै बनाउन सक्यो ।
उसका लागि स्कट एडवार्डले सर्वाधिक नटआउट ७१ रन बनाउँदा टम कुपर र बिक्रमजीत सिंहले समान ६५-६५ रन जोडे।
बलिङ्तर्फ पाकिस्तानका ह्यारिस रौफ र नशिम शाहले समान ३-३ विकेट लिए। मोहम्मद वासिम र मोहम्मद नजावले १-१ विकेट हात पारे।
यसअघि टस जितेर पहिले ब्याटिङ् गरेको पाकिस्तानले निर्धारित ५० ओभरमा ६ विकेट गुमाउँदै ३१४ रन बनायो। उसका लागि फखर जमामले १ सय ९ रनको सतकीय इनिङ्स खेले। कप्तान बाबर आजमले ७४ रन रन जोड्दा शादब खानले अभिजित ४८ रन बनाए।
नेदरल्याण्ड्सका लागि लोगान भान बीक र बास डे लिडेले समान २-२ विकेट लिए।
तीन खेलको एकदिवसीय शृङ्खला खेल्न पाकिस्तान नेदरल्याण्ड्सको भ्रमणमा छ। दोस्रो खेल भोलि हुनेछ।
