नवौं राष्ट्रिय खेलकुदअन्तर्गत ३४ औं राष्ट्रिय पुरुष टी– २० क्रिकेट प्रतियोगितामा शनिबार हुनु पर्ने समूह चरणका तीनै खेल हुन सकेनन्।
वर्षाका कारण मैदान भिजेपछि तीनै खेल सम्भव नभएको हो ।
कीर्तिपुरस्थित टीयू क्रिकेट मैदानमा प्रदेश १ र एपीएफ तथा नेपाल आर्मी र गण्डकी प्रदेशबीच खेल हुने तालिका थियो।
मूलपानीमा लुम्बिनी प्रदेश र मधेश प्रदेशबीच खेल हुनु पर्ने थियो।
यसअघि बिहीबार र शुक्रबारका लागि तय भएका चार चर खेल गरी ८ खेल पनि वर्षाका कारण प्रभावित भएका छन्।
यो समेत गरी तीन दिनमा ११ खेल प्रभावित भइसकेका छन्।
