आइसिसी टी-२० विश्वकपको समूह-१ को खेलमा आयरल्यान्डमाथि श्रीलंकाले सानदार जित हात पारेको छ। आइतबार भएको खेलमा श्रीलंकाले आयरल्यान्डलाई ९ विकेटले पराजित गर्यो।
आयरल्यान्डले दिएको १२९ रनको लक्ष्य श्रीलंकाले १५ ओभरमा १ विकेटको क्षतिमा पूरा गर्यो।
श्रीलंकाको जितमा कुशल मेन्डिसले नटआउट ६८ रन जोडे। उनले ४३ बलमा ५ चौका र ३ छक्का प्रहार गरे। धनन्जय डि सिल्भा ३१ रनमा आउट हुँदा चारिथ असलंकाले २२ बलमा नटआउट ३१ रन जोडे।
त्यसअघि आयरल्यान्डले २० ओभरमा ८ विकेटको क्षतिमा १२८ रन जोड्यो।
आयरल्यान्डका लागि ह्यारी टेक्टरले नटआउट ४५ रन जोडे। उनले ४२ बलमा २ चौका र १ छक्का हिर्काए। अन्य ब्याट्सम्यानले उल्लेख्य रन बटुल्न सकेनन्।
बलिङमा श्रीलंकाका हर्षरंगा डि सिल्भा र महीस तीक्षणाले २-२ विकेट लिन सफल भए।
विश्वकपमा अहिले पाकिस्तान र भारतबीच खेल भइरहेको छ।
