अष्ट्रेलियामा जारी टी-२० विश्वकप क्रिकेटमा भारतले नेदरल्यान्ड्सलाई हराएको छ।
बिहीबार भएको खेलमा भारतले नेदरल्यान्ड्सलाई ५६ रनले हराएको हो।
पहिला ब्याटिङ गरेको भारतले जितका लागि नेदरल्यान्ड्सलाई १८० रनको चुनौती पेस गरेको थियो।
भारतीय बलरसामु नेदरल्यान्ड्सका ब्याट्सम्यान निरिह साबित भए। नेदरल्यान्ड्सले निर्धारित २० ओभरमा ९ विकेट गुमाएर १२३ रनमात्र बनाउन सक्यो।
आजको जितसँगै भारत ग्रुप २ को नम्बर तालिकामा शीर्ष स्थानमा पुगेको छ। यसअघि भारतले पाकिस्तानविरूद्ध रोमाञ्चक जित निकालेको थियो।
भारतको अर्को म्याच अब आइतबार दक्षिण अफ्रिकासँग छ।
