नेपाल र युएईबीच तीन खेलको एकदिवसीय क्रिकेट सिरिज हुने भएको छ।
नेपाल क्रिकेट संघ (क्यान) का अनुसार नेपाल र युएईबीच तीन खेलको एकदिवसीय सिरिज हुन लागेको हो।
सिरिज कीर्तिपुरस्थित त्रिवि मैदानमा हुनेछ। पहिलो एकदिवसीय कात्तिक २८ मा हुनेछ।
दोस्रो एकदिवसीय कात्तिक ३० र अन्तिम तथा तेस्रो एकदिवसीय मंसिर २ मा हुनेछ।
नेपालले गत सेप्टेम्बरमा केन्यासँग खेलेपछि मैदान उत्रिन लागेको हो।
आगामी डिसेम्बरमा आइसिसी विश्वकप लिग-२ अन्तर्गत नामिबिया र स्कटल्यान्डविरुद्धको एकदिवसीय त्रिकोणात्मक सिरिज अघि नेपालले युएईसँग खेल्न लागेको हो।
