नेपाल टी-२० लिगमा फार वेस्ट युनाइटेडले काठमाडौं नाइट्सलाई पराजित गरेको छ।
सोमबार कीर्तिपुरस्थित त्रिवि मैदानमा भएको खेलमा फार वेस्टले पहिलो जित निकाल्ने क्रममा ५ विकेटले विजयी भएको हो।
पहिले ब्याटिङ गरेको काठमाडौंले ९ विकेटको क्षतिमा ९८ रन जोड्यो। उसका लागि एलेक्स ब्लेकले सबैभन्दा बढी ४५ रन जोडे।
अरु ब्याट्सम्यान सस्तैमा आउट भए। बलिङमा फार वेस्टका उमर अलीले ३ विकेट लिए भने भुवन कार्की र हस्तमतुल्लाह शाहिदीले २-२ विकेट लिए।
९९ रनको लक्ष्य फार वेस्टले ६ विकेटको क्षतिमा १९.१ विकेटमा पार गर्यो। उसका लागि शाहिदीले नटआउट ५० रन जोडे। उनले ४९ बलमा ३ चौका र २ छक्का प्रहार गरे।
बलिङमा काठमाडौंका अनिल खरेलले २ विकेट लिए।
जारी लिगमा दुई खेल खेल्दा फार वेस्टले पहिलो जित निकाल्यो। लगातार दुई जित हात पारेको लुम्बिनी अलस्टार शीर्ष स्थानमा छ।
