नेपाल टी-२० लिगमा जनकपुर रोयल्सले लगातार दोस्रो खेलमा जित निकालेको छ।
जनकपुरले सोमबार कीर्तिपुरस्थित त्रिवि मैदानमा भएको खेलमा विराटनगर सुपरकिंग्समाथि ५ विकेट हात पार्यो।
पहिले ब्याटिङ गरेको विराटनगर १ बल खेल्न बाँकी छदा १४० रनमा अलआउट भयो।
विराटनगरका लागि सिकन्दर राजाले ३८ रन, रोहित पौडेलले ३२ रन र हुसेन तलातले २८ रन जोडे।
बलिङमा जनकपुरका ललित राजवंशीले पाँच विकेट लिए। उनले चार ओभरमा १ मेडन राख्दा ८ रन मात्र खर्चिए।
१४१ रनको लक्ष्य जनकपुरले अन्तिम बलमा ५ विकेट गुमाएर पूरा गर्यो।
अन्तिम ओभरमा जितका लागि १६ रन चाहिएको स्थितिमा जनकपुरका चाडविक वाल्टनले १६ रन नै जोडे। उनले अन्तिम ओभरमा २ चौका,१ छक्का र अन्तिम बलमा दुई रन लिँदै जनकपुरलाई रोमाञ्चक जित दिलाए।
उनले नटआउट ६९ रन जोडे। जनकपुरको जितमा उत्कृष्ट ब्याटिङ गरेका वाल्टनले ५५ बलमा ५ चौका र ४ छक्का हिर्काए।
जनकपुरका लागि कप्तान ट्रेभन ग्रिफ्फिप्तले २५ रन र शाराफुद्दिन असरफले २३ रन बटुले।
बलिङमा विराटनगरका नन्दन यादव, तलात र रिजन ढकालले एक एक विकेट लिए। विराटनगरको भने यो लगातार दोस्रो हार हो।
