नेपाल टी-२० लिगमा जनकपुर रोयल्सले पाँचौ जित निकालेको छ।
अंक तालिकाको दोस्रो स्थानमा रहेको जनकपुरले पुछारको फार वेस्टलाई ८२ रनले हरायो।
जारी लिगमा फार वेस्टको यो ६ खेलमा पाँचौ हार हो।
टस हारेर पहिले ब्याटिङ गरेको जनकपुरले ७ विकेटको क्षतिमा १६१ रन जोड्यो।
जनकपुरका लागि सन्दीप जोराले ५५ रनको योगदान गरे।
बलिङमा फार वेस्टका प्रकाश जैशीले ३ विकेट र भुवन कार्कीले २ विकेट लिए।
१६२ रनको लक्ष्य पछ्याएको फार वेस्ट १५.१ ओभरमा ७९ रनमा अलआउट भयो। उसका लागि हश्मातुल्लाह साहिदीले सबैभन्दा बढी ३२ रन जोड्दा अन्य ब्याट्सम्यान सस्तैमा आउट भए।
फार वेस्टको इनिङ ध्वस्त पार्ने क्रममा जनपुरका समिमुल्लाह शिनवारले ३ विकेट लिए भने सोमपाल कामी र पवन सर्राफले २-२ विकेट हात पारे।
