नेपाल टी-२० लिगको समूह चरणका खेल सकिएका छन्। शनिबार समूह चरणका अन्तिम दुई खेल सकिएसँगै प्लेअफ समिकरण समेत पूरा भएको छ।
अंक तालिकाको शीर्ष स्थानमा रहेको लुम्बिनी अल स्टार्स र दोस्रो स्थानको जनकपुर रोयल्सबीच क्वालिफायर्स-१ हुनेछ। यो खेल आइतबार मध्यान्ह हुनेछ। खेलको विजेता फाइनलमा पुग्नेछ भने पराजित हुने टिमले क्वालिफायर-२ मा खेल्न पाउनेछ।
अंक तालिकामा तेस्रो भएको विराटनगर किंग्स र चौथो भएको काठमाडौं नाइट्सबीच एलिमिनेटरको खेलमा प्रतिस्पर्धा हुनेछ। एलिमिनेटर सोमबार हुनेछ। विजेता टिम क्वालिफायर-२ मा पुग्नेछ भने पराजित हुने टिम बाहिरिनेछ। क्वालिफायर-२ मंगलबार हुनेछ।
क्वालिफायर-१ र क्वालिफायर-२ को विजेताबीच फाइनल खेल हुनेछ। फाइनल बुधबार हुनेछ।
यता शनिबार भएको समूह चरणको अन्तिम खेलमा पोखरालाई फार वेस्टले ४१ रनले हरायो। महत्वपूर्ण खेलमा पराजित भएसँगै पोखरा प्लेअफमा पुग्न सकेन। फार वेस्ट भने यसअघि नै बाहिरिएको थियो।
