इटहरीमा जारी प्रधानमन्त्री कप महिला टी-२० राष्ट्रिय क्रिकेट प्रतियोगितामा एपिएफ र मधेश प्रदेश विजयी भएका छन्।
एपिएफले समूह 'ए' को खेलमा बागमतीलाई ५३ रनले पराजित गर्यो।
पहिले ब्याटिङ गरेको एपिएफले ४ विकेटको क्षतिमा १३६ रन जोड्यो।
जवाफी ब्याटिङ गरेको बागमतीले २० ओभरमा ९ विकेटको क्षतिमा ८३ रन जोड्यो।
समूह 'बी' को खेलमा मधेशले कर्णालीलाई ८ विकेटले हरायो।
पहिले ब्याटिङ गरेको कर्णाली ६ विकेटको क्षतिमा ७९ रन जोड्यो।
मधेशले १०.२ ओभरमा २ विकेटको क्षतिमा लक्ष्य पूरा गर्यो।
