इंग्लिस क्रिकेट टिमका कप्तान इयोन मोर्गनले क्रिकेटबाट संन्यास लिने घोषणा गरेका छन्। २०१९ को विश्वकप विजेता कप्तान मोर्गनले सबै प्रकारका व्यावसायिक क्रिकेटबाट संन्यासको घोषणा गरेका हुन्।
३६ वर्षीय मोर्गनले १६ वर्षको करियरपछि सन् २०२२ को जुलाईमा अन्तर्राष्ट्रिय क्रिकेटबाट संन्यास लिएका थिए।
उनले गत वर्ष हन्ड्रेड एलिमिनेटरमा लन्डन स्पिरिटको कप्तानी गरेका थिए। भर्खरै सम्पन्न एसए-२० मा पार्ल रोयल्सका लागि खेलेका थिए।
मोर्गनले २० वर्षको व्यावसायिक करिअरमा ८५५ व्यावसायिक खेल खेल्दै २४ हजार बढी रन जोडे।
उनले १६ टेस्टमा ७ सय रन जोड्दा २४८ एकदिवसीय खेलमा ७ हजार ७ रन जोडेका थिए। एकदिवसीय खेलमा उनले १४ शतक हिर्काएका थिए। यस्तै टी-२० अन्तर्राष्ट्रियमा ११५ खेलमा २४ सय रन जोडेका थिए।
