नेपाल राष्ट्रिय तथा अन्तर्राष्ट्रिय खेलाडी संघले आगामी चैतमा २७ खेलका उत्कृष्ट खेलाडीलाई पुरस्कृत गर्ने भएको छ।
संघका अध्यक्ष दीपक श्रेष्ठका अनुसार चैत १७ गते १७औं एनएनआइपिए स्पोर्ट्स अवार्ड २०७९ आयोजना हुने लागेको हो।
२०७८ सालमा राष्ट्रिय तथा अन्तर्राष्ट्रियस्तरका अफिसियल प्रतियोगिता नभएको हुँदा यस वर्ष ओलम्पिक कमिटीबाट अधिकारप्राप्त २७ खेललाई आधार मानी सम्बन्धित संघले सिफारिस गरिएका खेलाडीलाई सम्मान गरिनेछ।
प्रतियोगितामा २७ खेलका उत्कृष्ट खेलाडीलाई १०-१० हजार दिइनेछ। जसमा उत्कृष्ट पुरुष र महिला खेलाडीले १-१ लाख रुपैयाँ प्राप्त गर्नेछन्।
यस्तै महिला तथा पुरुषको प्रतिभाशाली खेलाडीलाई ५०-५० हजार रुपैयाँ दिइनेछ भने वर्ष उत्कृष्ट एक पारा खेलाडीलाई १५ हजार र पत्रकारलाई २५ हजार रुपैयाँ दिइनेछ।
