नेपाल क्रिकेट संघ (क्यान) ले लेगस्पिनर सन्दीप लामिछाने युएई पठाउने भएको छ। उनी आइसिसी विश्वकप लिग-२ अन्तर्गत नेपाल, युएई र पपुवा न्युगिनीबीच सिरिजको खेलका लागि युएई जान लागेका हुन्।
उच्च अदालत पटानले नाबालिक बलात्कार अभियोग लागेका सन्दीपलाई धरौटीमा जेलमुक्त गरे पनि विदेश जान भने रोक लगाएको थियो। सोविरुद्ध सर्वोच्चमा निवेदन दिएका सन्दीपलाई राष्ट्रिय टिमको खेल खेल्न विदेश जान अनुमति दिइएको थियो।
लामिछाने श्याम (मौसम) ढकालको सट्टामा जान लागेको क्यानले जनाएको छ।
अभ्यासको क्रममा ढकालको काँधमा चोट पुगेको थियो।
सिरिजको पहिलो खेलमा पपुवा न्युगिनीलाई हराएको नेपालले दोस्रो खेलमा बिहीबार युएईसँग खेल्दैछ।
