नेपाली राष्ट्रिय क्रिकेट टोलीले एकदिवसीय अन्तर्राष्ट्रिय वरियतामा सुधार गरेको छ। आइसिसी क्रिकेट विश्वकप लिग–२ को पछिल्ला १२ मध्ये ११ खेलमा जित निकालेको नेपाल वरियता १५औं स्थानमा उक्लिएको हो।
यसअघि नेपाल वरियतामा १६ औं स्थानमा थियो।
अन्तर्राष्ट्रिय क्रिकेट परिषद् (आइसिसी) ले मंगलबार अपडेट गरेको एकदिवसीयतर्फको वरियतामा नेपाल एक स्थान स्थानमा उक्लिएको हो।
योसँगै नेपालले वरियतामा ओमान, नामिबिया, यूएई, अमेरिका र पपुवान्युगिनीलाई पछि पारेको छ।
घरेलु मैदानमा स्कटल्याण्ड र नामिबियासँगको लिग–२ खेल्नुअघि १९ औं स्थानमा रहेको नेपाल अघिल्लो साता १६औं स्थानमा उक्लिएको थियो।
स्कटल्यान्ड र नामिबियासँगको एक सिरिज तथा पपुवा न्युगिनी र युएईसँगको दुई सिरिजका कुल १२ मध्ये नेपाल १ खेलमा मात्र पराजित भएको थियो।
नेपालभन्दा पछि रहेका ओमान १६औं, नामिबिया १७ औं, अमेरिका १८औं, यूएई १९औं र पपुवा न्युगिनी २०औं स्थानमा छन्।
नयाँ वरियतामा भारत शीर्ष स्थानमा रहँदा अस्ट्रेलिया दोस्रो स्थानमा छ। एसोसिएट राष्ट्रतर्फ स्कटल्याण्ड सबैभन्दा माथि १२औं स्थानमा छ। विश्वकप सुपर लिग खेलिरहेको नेदरल्याण्ड्स १४औं स्थानमा छ।
एकदिवसीय वरियता
| स्थान | टोली | खेल | अंक | रेटिङ |
|---|
| १ | भारत | ४६ | ५२३२ | ११४ |
| २ | अष्ट्रेलिया | ३४ | ३८०१ | ११२ |
| ३ | न्युजिल्याण्ड | २९ | ३२२९ | १११ |
| ४ | इंग्ल्याण्ड | ३६ | ३९८८ | १११ |
| ५ | पाकिस्तान | २५ | २६४९ | १०६ |
| ६ | दक्षिण अफ्रिका | २९ | २९२७ | १०१ |
| ७ | बंगलादेश | ३७ | ३५२० | ९५ |
| ८ | श्रीलंका | ३४ | २,९७६ | ८८ |
| ९ | वेस्ट इन्डिज | ४३ | ३१०१ | ७२ |
| १० | अफगानिस्तान | २० | १४१९ | ७१ |
| ११ | आयरल्याण्ड | २६ | १३४२ | ५२ |
| १२ | स्कटल्याण्ड | ३५ | १५६७ | ४५ |
| १३ | जिम्बाब्वे | २९ | ११८१ | ४१ |
| १४ | नेदरल्याण्ड्स | २२ | ७६६ | ३५ |
| १५ | नेपाल | ४० | १२३८ | ३१ |
| १६ | ओमान | ३० | ९१९ | ३१ |
| १७ | नामिबिया | ३२ | ९५९ | ३० |
| १८ | अमेरिका | ३१ | ८२१ | २६ |
| १९ | युएई | ३५ | ६८३ | २० |
| २० | पपुवा न्यू गिनी | ३८ | २३३ | ६ |
